Ǹjẹ́ Obìrin Lè J'ábàlé Láláì Rí Ẹ̀jẹ̀? "Vaginity Without Bleeding"

Ọ̀RỌ̀ pọ̀ nínú ìwé kọ́bọ̀ nípasẹ̀ àlàyé lórí ìbéèrè oníbèérè kan, eléyìí tí ó ńsé iyèméjì nípa pé, "ǹjẹ́ ó ṣeéṣe kí ọkùnrin bá obìrin ní ìbánilòpọ̀ pẹlú obìrin tí ó ní ìbálé lára, sùgbọ́n láìsí ẹ̀jẹ̀!

Ní ìdáhùn sí irúfẹ́ ìbéèrè yí, àti ọ̀pọ̀ ìbéèrè míràn tí ó nííse pẹ̀lú ìbálé, ní ó se okùfà iṣẹ́ ìwádìí yí. Nígbàtí a sì gbàgbọ́ wípé ó ṣeéṣe kí eléyìí máa jẹ́ ìwúlò fún àtúnṣe iyèméjì wa, àti láti ṣe àtùngbéyẹ̀wò nípa ohùn èròngbà èyíkéyìí nípa bóyá, àfẹ́sọ́nà ẹni, tàbí olólùfẹ́ ẹni tí, bóyá ati lè máa ní ìbànújẹ ọkàn sí, bóyá nípa àìní ìmọ̀ kúkú tó nìpa ìgbésíayé rẹ̀ sẹ́yìn.

Ǹjẹ́ Ẹ tilẹ̀ mọ̀ wípé kìíṣe gbogbo ènìyàn tí kòní ìbálé (virginity) lára lóti ní ìbálòpọ̀ pẹ̀l'ọ́kùnrin rí? Sùgbọ́n nígbàtí ósi tún ṣeéṣe pé ọ̀pọ̀ ọmọdébìnrin tí kòì tíí ní ìbálòpọ̀ (sexual/virginal intercourse) tilẹ̀ tún leè ti di ajá ìgboro? Ibi ojú dé l'òpin ìran!

Molérò wípé, nípasẹ̀ àwọn àlàyé tí a ti ṣe sí agbọn ìsàlẹ̀ yìí👇👇👇, ó ṣeéṣe kí àwọn ohun kan, tàbí méjì tí kòì tíí yé ẹnìkan nínú wa tẹ́lẹ̀ bẹ̀rẹ̀ síí yé wa síwájú, àti síwájú síi. A kìí dàgbàá m'Akínmọ̀ọ́rìn (tótó, óse bí'òwe ẹ̀yin àgbààgbà)

Agbọn Àkọ́kọ́ tí a gbọ́dọ̀ fi wo ohun tó ṣeéṣe kó fa ìrúfẹ́ ìsesí yí níyì, tí ó sí nííse pẹ̀lú ẹ̀rí sí àwọn eléètò nípasẹ̀ ìwòsan ara:

- Àwọn kan wà tí wọn ní awọ ìbòjú fẹlẹfẹlẹ tó dípa,

- Àwọn kan wà tí wọn ní awọ ìbòjú tó nípọn níwọ̀n,

- Àwọn kan wà tí awọ ìbòjú tiwọn nípọn gidigidi,

- Àwọn kan wà tí wọn ní awọ ìbòjú tó ní ihò kan,

- Àwọn kan wà tí wọn ní awọ ìbòjú oníhò méjì,

- Nígbàtí awọ ìbòjú àwọn kan tilẹ̀ níhò tòpò bí ajere

- Àwọn kan wà tí awọ ìbòjú tiwọn ti ya níwọ̀n,

- Nígbàtí tí awọ ìbòjú tiwọn tilẹ̀ tiya dànù peregede.

Sùgbọ́n kí a má gbàgbé pé, gbogbo àwọn nǹkan wọ̀nyí kònííse pẹ̀lú pé bóyá arábìnrin náà tí ní ìdàpọ̀ kankan rí pẹlú ọkùnrin, tàbí pé bóyá kòì tíì ní. Sùgbọ́n àwọn àkọsílẹ òkè wọnyí ni ó ṣeéṣe kí ó jẹ́ àmútọ̀run wá.

Nítorí pé, óseése pé bóyá Ọlọ́hun kòtilẹ̀ ṣẹ̀dá awọ ìbòjú fún ẹlòmíràn rárá, tàbí pé bóyá nípasẹ̀ àìse déédéé ìdàgbàsókè ààyè yí látinú oyún.

Agbọn Ẹlẹ́ẹ̀kejì Nipé:

- Àwọn mìíràn tilẹ̀ ní awọ ìbòjú, sùgbọ̀n tí ó jẹ́ wípé, látara ìdààmú-dààbo ni ọ̀pọ̀lọpọ̀ fi pàdánù rẹ̀,

- Ọ̀pọ̀lọpọ̀ pàdánù tirẹ̀ ní àkókò ipò ìlóyún, nípasẹ̀ òògùn lílò. Yálà, nípasẹ̀ òògùn ìsẹ́yún, ìdáàbòbò, àjẹsára, òògùn olóró, ọtí mímu àti bẹ́ẹ̀bẹ́ẹ̀ lọ.

- Àkókò ìwẹ̀ ìbí (tàbí ìwẹ̀ lásán) fún ọmọdé ni àkókò ìpàdánù yí wáyé fún ẹlòmíràn.

- Ẹlòmíràn pàdánù tirẹ̀ ní àkókò ṣíṣe eré ọmọdé tàbí eré ipá

- Bẹ́ẹ̀ni ẹlòmíràn pàdánù tirẹ̀ nípasẹ̀ mímáa ṣe ìmọ́tótó pẹ̀lú àṣejù

- Ẹlòmíràn pàdánù tirẹ̀ nípasẹ̀ lebólebó (flirting without normal sex or oral sex or constant stimulation)

- Ẹlòmíràn pàdánù tirẹ̀ nípasẹ̀ ìjàmbá (accident), bóyá nípa fífi abẹ́ ya,

- Òmíràn sìlè wáyé nípa àìlera, àìsàn ara

Àtiwípé, kí ó bàa leè jẹ́ ìmọ̀ kúkú síwájú fún wa, Mo fẹ́ kí a kọ̀kọ̀ mọ̀ wípé, àìmọye ìbálòpọ̀ ló ńwáyé, láárí ọkùnrin-s'óbìrin (through oral or anal), obìrin-s'óbìrin (through lesbianism), nkàn ìlò - s'óbìrin (sex toy) àti obìrin pẹ̀lú òhun Obìnrin fúnra ara rẹ̀ (self stimulation). Ayé tí rújú, ayé dàrú, ayé ti di rúdúnráda. Ọ̀pọ̀ ìbálòpọ̀ ló ńwáyé láìse amúlò nkàn ọmọkùnrin tàbí t'ọmọbìrin.

Nítorí ìdí èyí, bí ó tí ṣe ṣeéṣe yìí wipe obìrin leè ní ìbálòpọ̀  sùgbọ́n láì pàdánù ìbálé rẹ̀. Bẹ́ẹ̀ gẹ́gẹ́ lórí wípé ó ṣeéṣe wípé, kìí ṣéé gbogbo obìrin tó ní ìbálé ní kòìtíì ní ìbálòpọ́ rí. Gbogbo obìrin tí a sì s'alábàpàdé ẹ̀jẹ̀ lára rẹ̀ náà kọ́ni kòì tíí r'ọkùnrin rí. Bẹ́ẹ̀ gẹ́lẹ́ náà sì ni wípé, ọ̀pọ́ obìrin tí a kò bá ìbálé tàbí ẹ̀jẹ̀ pàdé lára náà ní ó tíí ní ìbálòpọ̀ pẹ̀lú ọkùnrin rí. Ó ṣeéṣe kírúfẹ́ irú wọn ti pàdánù rẹ̀ nípa àìbìkítà àwọn òbí tàbí alágbàwò látìgbà èwe wọn.

Láti gé gbogbo ọ̀rọ̀ náà ní kúkúrú, óseése kí ènìyàn má tilẹ̀ rí ẹ̀jẹ̀ rárá nípasẹ̀ àwọn nkan wọ̀nyí àti ọ̀pọ̀ àwọn nkàn míràn tí àkókò kò fúnni ní ààyé rẹ̀ báyìí.

- Lastbosoft